ఓట్స్ ప్రకృతి మనకి ప్రసాదించిన ఆహారం, దాన్ని ఎదో చెడుగా ప్రస్తావించాలి అని నేను ప్రత్నించటం లేదు. కానీ అదే ఒక పెద్ద పరమౌషదం అని అంటే మాత్రం నేను ఒప్పుకోను.
ఓట్స్ పై వున్న కొన్ని అపోహలు, అసైన్సు ఇప్పుడు చూద్దాం. ( మనం ఆహారం కొలిచే విధానం/ వాటి పౌష్టికత గ్రాములు/ గ్రాములు కాకుండా గిద్దెడు/గ్రాములు ఐతెనే సరైనది అని తేలింది కావున అదే వాడుతున్నాను, గ్రాముల ప్రస్తావన ఇప్పుడే తేవొద్దు అని మనవి,ఇప్పుడే. గిద్దెడు బియ్యం, గిద్దెడు కంది పప్పు అని కొలుస్తామే తప్ప 100గ్రాముల బియ్యం తో 100 గ్రాముల కందిపప్పు పోలిక సరైనది కాదు. )
అపోహ(అ): ఓట్స్లో పీచు పదార్ధాలు ఎక్కువ.
అసైన్సు (అసై): ఇది పడమటి దేశాలవారికి చెల్లుతుందెమో, సగటు మనిషికి 30-40 గ్రాముల పీచు (ఫైబర్) అవసరం, కానీ అమెరికాలో సగటు మనిషి రోజుకు 4-10 గా. పీచు మాత్రమే తీసుకుంటున్నాడని ఒక సర్వేలో తేలింది, దీన్ని అవకాశంగా తీసుకొని ఓట్స్ ని ఆ దేశంలో బాగా మర్కెటింగ్ చేసుకుంటున్నారు. గిద్దెడు ఓట్స్ లో వుండేడి సుమారు 14.4 గ్రాముల పీచు పదార్ధాలు.
మరి మన రోజువారీ ఆహారంలో వేటిలో ఎంత ఉంటుందో చూద్దామా, గోధుమ రవ్వ ( 25.6), వేరుశనగ( 21), బీన్స్ (చిక్కుడు గింజలు)*(19.1) , శనగలు, కందిపప్పు (16.3) , (13.2 గ్రా), బియ్యం (ముడి 3.5), పెసలు (15.4), మినుములు (15)...
*వీటిని ఎవరైనా రొజూ తీసుకుంటున్నారా తెలియజేయగలరు.
అ: బరువు తగ్గాలనుకునేవారికి ఓట్స్ మంచి ఆహారం, ఓట్స్ జీర్ణవ్యవస్ధ సక్రమంగా పనిచేయడానికి సాయపడుతుంది, అంతేగాక రక్తంలో చక్కెరశాతం అదుపులో ఉంచుతుంది.
అసై: ఇది అంతా (నీటిలో కరిగే) పీచు పదార్ధాల మహిమ, ఇవి జీర్ణప్రక్రియ నిదానంగా జరుగుటకు దోహద పడతాయి, దాని వలన ఒకే సారి ఎక్కువ శక్తి రక్తంలోకి ప్రవేశించకుండా, మెల్లగా, తక్కువ మొతాదులో చక్కెర రక్తంలోకి ప్రవేశించేలా చేయటం వలన ఎక్కువ సేపు పొట్ట నిండుగా వున్నట్టు ఉండి ఎక్కువగా ఆకలి వెయ్యదు, చక్కెరా ఒకేసారి రక్తంలోకి విడుదల అవ్వదు కాబట్టి మధుమేహ వ్యాధిగ్రస్థులకు మంచిది. ఎక్కువ ఆకలి వెయ్యదు కాబట్టి ఆహరం తక్కువ తీసుకునే అవకాశం ఉన్నది, కానీ వ్యాయామం లేకుండా బరువు తగ్గినా కొలెస్టరాల్ తగ్గదు కాబట్టి, ముప్పు పూర్తిగా తొలిగిపోయినట్టు కాదు, వ్యాయామం చాలా అవసరం.
అ: ఓట్స్ లో కొలెస్టరాల్ తక్కువగా ఉంటుంది, గుండె జబ్బుల్ని తగ్గిస్తుంది.
అసై: కొలెస్టరాల్ అసలు శాకాహారంలో ఉండదు, అది మాంసాహారం ద్వారానో, లేక నెయ్యి, వెన్న, ఇతర పాల ఉత్పత్తులలో ఎక్కువగా ఉంటుంది. కొలెస్టరాల్ లో మంచి, చెడు కొలెస్టరాల్లు ఉన్నాయి, నీటిలో కరిగే పీచు పదార్ధాలు చెడు కొలెస్టరాల్ ని తగ్గించి, మంచి కొలెస్టరాల్ని పెంచుతుంది. ( అలా కాదు మంచి కొలెస్టరాల్ కుడా తగ్గుంతుంది అనే వాదన కుడా బలంగా వినిపిస్తున్నది, ఓట్స్ మంచి కొలెస్టరాల్ కి హాని చెయ్యదు అనే వాదన సశాస్త్రీయం కాదు, ఇది ఒక పుకారే).
కొలెస్టరాల్ తగ్గటం వలన గుండెకి రాబొయే ముప్పు తగ్గినట్టే, కానీ అది గుండె జబ్బులని తగ్గించదు.
అసలు వ్యయామం లేకుండా, ఆహారం ద్వారా కొలెస్టరాల్ స్థాయిల్లో చెప్పుకోదగ్గ మార్పు ఉండదట.
భారతీయులకి కొలెస్టరాల్ హానికలిగించే స్థాయిలో ఉండటానికి, గుండె జబ్బులు రావటానికి ఎక్కువగా నెయ్యి, వెన్న, ఎక్కువ వెన్న శాతం కలిగిన పాలు తీసుకోవటం అని ఎనభైల్లో ఒక అమెరికా డాక్టర్ రీసెర్చ్ చేసి చెప్పారు(ఎక్కువమంది శాకాహారులం కాబట్టి), అప్పటికీ, ఇప్పటికీ మాంసాహారం తిసుకోవటంలో చాలా పెద్ద మార్పే వచ్చిన కారణంగా, పూర్వంతో పోల్చుకుంటే నెయ్యి వాడకం చాలా తక్కువ అయ్యింది, కానీ పంచధార వాడకం ఎక్కువ అవటం వలన (పంచధార వాడకానికి రక్తంలో కొలెస్టరాల్ స్థాయి పెరగటానికి సంబంధం ఉన్నది అని తేలింది) ఇప్పుడూ వెన్న, నెయ్యి వలనే అని చెప్పలేము. .
అ: ఓట్స్ లో ఐరన్ ఎక్కువగా ఉంటుంది.
అసై: ఓట్స్(4 మి.గ్రా.) కన్నా ఐరన్ ఎక్కువ ఉన్న పదార్ధాలు, ముడి ఉత్తరాది బియ్యం (9.73)*, దక్షిణాది ముడి బియ్యం (8), బీన్స్ (7.8), పెసలు, మినుములు, ( 6.6), గోధుమలు ( 6.04), మొలకెత్తిన శనగలు(6మి.గ్రా - కానీ ఉడకపెడితే అది 2మి.గ్రా కి పడిపోతుంది), ఇలా చాలా వున్నాయి. ( నేను విటమిన్ ఎన్రిచ్చ్డ్ ఓట్స్ గురించి చెప్పటం లేదు, ఓట్స్ తవుడు సంగతి కాదు, ఓట్స్ గింజల గురించి, మాత్రమే రాసాను, విటమిన్ ఎన్రిచ్చ్డ్ లొ ఐతే 10.55, ఓట్స్ తవుడులో 5.1 మిగ్రా ఐరన్ ఉంటుంది, మనం వాడే ఇన్స్టంట్ ఓట్స్లో 2.11మి.గ్రా. మాత్రమే ).
కూరగాయలను, పండ్లను ఇక్కడ ప్రస్తావించటం లేదు, పోలిక సమజసంగా ఉండదని, 100 గ్రా. పాలకూరలో 16 మి.గ్రా., కరివేపాకులో దాదాపు 60 మి.గ్రా. ఐరన్ ఉంటుంది, (కరివేపాకును మరీ చులకనగా చూడకండి)
* ఈ ఉత్తరాది బియ్యం మరి నేను ఐతే దక్షిణంలో ఎక్కడా చూడలేదు, అందుకే ప్రత్యేకించి ఉత్తరాది అని వాడాను, బియ్యం చూడటానికి మాములుగానే ఉంటుంది, కానీ ఉడికాక పొడుగ్గా, కొంచం ముద్దగా, సన్నగా (కొద్ది మార్పులతో చైనా రకం లా ఉంటుంది)
అ: ఓట్స్ లో క్యాల్షియం ఎక్కువగా ఉంటుంది.
అసై: (55 మి.గ్రా.) కన్నా క్యాల్షియం ఎక్కువ ఉన్న పదార్ధాలు, పాలు (430 మి.గ్రా.), పనీర్ (509)*, పెరుగు (415), వెన్న తీసీన పాల పెరుగు ( 217), బీన్స్ (191), వేరుశనగ (184) పిజ్జా (63గ్రా. 113మి గ్రా), శనగలు (94), బంగాళ దుంప (88), ఓట్స్ (55).
* పనీర్ కి ఎక్కువ పాలు అవసరం కావున పాల తరువాతి స్థానం ఇచ్చాను- బాలేదా.
పాలకూరలో (245మి.గ్రా) క్యాల్షియం ఉంటుంది.
అ: ఓట్స్ లో క్యాల్షియం, ఐరన్ రెండూ ఎక్కువగా ఉండటం వలన డబుల్ ధమాకా.
అసై: ఇది పెద్ద ఏడుపుగొట్టు కాన్సెప్ట్, అబద్ధం 10 సార్లు చెప్తే అదే నిజమవుతుంది అనట్టు, నాన్ హీం* ఐరన్ని మన శరీరం గ్రహించటమే కష్టం, ఐరన్ని క్యాల్షియం తో కలిపి తిసుకోవటం వలన, ఇంకా చాలా తక్కువ గ్రహిస్తుంది మన శరీరం, అందులోనూ ఐరన్ గ్రహింపటానికి సహాయం చెసే విటమిన్ సి అసలు ఉండదు కాబట్టి, రెండూ కలిసి ఉండటం వలన చాలా ఐరన్ని మన శరీరం గ్రహించలేదు.
* నాన్ హీం మొక్కల నుంచి వచ్చే ఐరన్
కాబట్టి, గోధుమ, వరి అన్ని విధాలా మేలు (వరి లో పీచు తక్కువ కదా అంటారా, అది రాబొయే టపాలో), గోధుమ సరిపడని వారికి ఓట్స్ ఉపయోగకరమే యెందుకంటే అది ముఖ్య ఆహార పంట, అలనే మనకి సజ్జలు, జొన్నలు ఉన్నాయి కదా మరి.(గోధుమ సరిపడకపొతే). కానీ ఓట్స్ రష్యాలో గోధుమ సరిపడని వారికి అమృతమే. (బార్లే ఓట్స్ లాగా తినగలరా?)
మరి బరువు తగ్గాలి అనుకునే వారు, ఓట్స్ ఇచ్చే శక్తిని చూడండి మరి.
ఓట్స్ (404 కి.కెలరీలు), బియ్యం ( 370), గోధుమ (407), వేరుశనగ (525),శనగలు (675), బీన్స్ (295), పెసలు (235).
తరువాత కొత్తగా క్యాన్సర్ తో పోరాడే బీటా గ్లుకన్లను పరిగణించలేదు, ఎందుకంటే అవి క్యాన్సర్ రాకుండా నిరోధిస్తాయి అని ఐతే ఇతమిద్దంగా తేలలేదు, కానీ క్యాన్సర్తో పోరాడగలదు అని మాత్రం ఋజువయ్యింది. ఇంకా పెద్ద ఎత్తున రీసెర్చ్ జరగటం లేదు, అందులోనూ మిగతా గడ్డి పంటల్లో లేకుండా బార్లే, ఓట్స్లోనే ఉండటం కుడా సాధ్యపడదు, కానీ వాణిజ్య పరంగా ఐతే మాత్రం ఓట్స్, బార్లే నుంచే తయారు చేస్తున్నారు.
అలాగే నీటిలో కరుగని పీచు, వేరుశనగల్లో ఉండే బిటా గ్లైకో లాంటి పదార్ధాల మీద ప్రయోగాలు జరుగుతున్నాయి, వాటి గురించి తెలుసుకున్న వాటి కన్నా, తెలుసుకోవలసినదే ఎక్కువ అందుకనే వాటి గురించి ప్రస్తావించలేదు.
పైన చెప్పిన లెఖ్ఖలు ఆయా పంటలు పొలం నుంచి వచ్చాక ఎంత తక్కువ మార్పులతో తినటానికి వీలు అవుతుందో ఆ పౌష్టిక విలువని ప్రామాణికంగా తీసుకున్నాను, ఉదాహరణకి పాలిష్ పట్టని బియ్యంలో పిచు 3.5గ్రా. అదే పాలిష్ పట్టాక అది 0-0.6గ్రా. చేరుతుంది, అలా కాకుండా వరి వరిగా లెఖ్ఖ వేసుకుంటే ఇంకా ఎక్కువ ఐరన్, ఎక్కువ పీచు ఉంటుంది, కానీ వడ్లని మనం తినలేము కావున, అవి పరిగణనలోకి తీసుకోలేదు, అలానే మనకి వచ్చే రెడీటు ఈట్ ఓట్స్లో ఉండే చక్కెరని, ఐరన్ని, క్యాల్షియంని తీసుకోలేదు, మరియు, విటమిన్ ఎన్రిచ్చ్డ్ సంగతీ మాట్లడలేదు.
అమెరికా వారికి బీన్స్ సరిపడకపొతే ఓట్స్ చాలా మంచిదెమో, నాకు అక్కడ విషయాలు పెద్దగా తెలియవు, కానీ మనకి మనం మన ఆహారమే సరిగ్గా తిసుకుంటే సరిపోతుందెమో, ముడి బియ్యంతో అన్నం పొద్దున్నే కష్టం అనిపిస్తే, మొలకెత్తిన పెసలో, వేరుశనగో, శనగలో, ఇవి ఇంకా మంచివి కదా, చక్కగా శనగ కూరతో చపాతీ.. ఇన్ని ఉన్నాయి కదా..
నేను ఇచ్చిన అంకెలు కొద్దిగా కొత్తగా ఉండొచ్చు, దానికి కారణం నేను ఎంచుకున్న పద్దతి, మన పళ్ళెంలోకి వచ్చేసరికి, ఇవి ఎలా ఉంటున్నాయో తరువాతి టపాలో.
47 comments:
సోర్సెస్?
సోర్సెస్ మీకే తెలుస్తాయి వచ్చే టపాలో..
అప్పటి వరకూ, నా పద్దతి అంతా వివరించాలి అంతే నాకు చాలా కష్టం మరి.
కనీసం ఈ పద్దతి గురించి వివరించాలి అన్నా, ఆ పుస్తకాల పేర్లు కుడా గుర్తులేవు, ఎవో కొన్ని పేపర్లు వరకూ జెరాక్స్ తెచ్చుకున్నాను.
మనుషులు సన్నబడటానికి ఓట్లు, గోట్లు తింటారని చెబితే నమ్మడానికి నేనేమైనా పిచ్చోడినా? 1790లో ఓట్లకూ గోట్లకు కెలరీలు రాల్తాయా? అని ఓట్స్యోవ్ గోట్స్మన్ రాసిన పుస్తకం చదివాను. నా కథలు చదివితే 100కు 200 గ్రాములు తగ్గుతారు. అలా చదివి మావీధిలో ఆడవాళ్ళు అస్థిపంజరాలైతే, ఈ సారి వాళ్ళ మొగుళ్ళు నన్ను తిట్టారు. నేను చిన్నపుడు మొలకెత్తిన వేపకాయలు, కానగకాయలు, చింతకాయలు తినేవాడిని.
durabhimaaniగారు మీకు మేము దాసోహం ఐపోయాము...
కాస్త మాయందు కరుణుంచి, నాకోసారి ఒక e-mail ఇవ్వండి.
నిజంగా ఓట్స్ గురించి వాటిని తయారీ దారుల ప్రచారం చాలా ఎక్కువ స్థాయిలో ఉండటం వల్ల, డయాబెటిస్ సర్వ సామాన్యమైపోయిన ఈ రోజుల్లో వాటిని నమ్మడం జరుగుతోంది.
అవి తినాలనిపించకపోయినా,రుచి నచ్చకపోయినా బలవంతంగా తినేవారు ఎంతో మంది.వ్యాయామం లేకుండా కేవలం తిండిమార్పుతో ఫిట్ నెస్ సాధించడం కల్లోమాట!
ఓట్స్ గురించి నా అపోహలు చాలా వరకూ తొలిగించారు. థాంక్యూ!
మా ఇంట్లో సజ్జలు,రాగులు,సోయాబీన్స్ ఇప్పటికీ ఉపయోగిస్తాం! ముఖ్యంగా సజ్జల్ని మొలకెత్తించాక చాలా రుచిగా ఉంటాయి.
ఈ వ్యాసానికి మరింత ప్రచారం కావాలి.
durabhimaani గారు మొలకెత్తిన టెంకాయను కూడా తినాల్సింది. ఎన్నో రెట్లు బరువు తగ్గుతారని మీరు చెప్పిన పుస్తకంలోని మొదటి అంకం చెబుతుంది. దానిని సుర్యగ్రహణం రోజున కింది నుంది పైకి కుడి నుండి ఎడమ పక్కకు చదవాలి. బహుశా మీకీ విషయం తెలియకపోవడంలొ అగ్రకుల అభిజాత్యం వుండొచ్చు. కత్తి గారిని చూసి నేర్చుకోగలరు.
తారా చాలా బాగా రాస్తున్నారు,నేను గమనించనేలేదు మీ బ్లాగ్ ఇన్నాళ్ళు..కాకపోతే మీరు ఇంతకుముందు ఎవరో తెలిసిన బ్లాగర్ లా అనిపిస్తున్నారు :)
Excellent Analysis తార
you rock!
@ నేస్తం గారు ఈ తార మన నాగప్రసాద్ అని బ్లాగుల్లో ఒక పుకారు చికారు చేస్తుంది :)
షేర్డ్ పొలాల్లో యూరియా లోడ్ ఎక్కువ అయితే ఆ పంటలో ఉన్న ఓట్స్ అన్నీ పండటం ఆగిపోతాయి. గతంలో షేర్డ్ పొలాల్లో ఓట్స్ వాడిన అనుభవం ఉంది. ఒరిస్సాలో ఉన్న పొలాల్లో కి అక్టోబర్ లో వెళ్లాలనుకుంటున్నాను కొండలు, కోనలులో విహరించి ఓట్స్ ని పెంచి మా వదిన కి అంబలి చేసి పెడతాను
సుజాత గారు అవునండి, ఎటువంటి శారీరిక శ్రమ లేకుండా పరిపూర్ణ అరోగ్యం కావాలి అని అనుకునే మన మనస్థత్వమే ఆహార కంపెనీలకి పెట్టుబడి, కాకపొతే పడమర దేశాల్లో తలా తోకా లేని ప్రకటనల మీదా కొద్ది అవగాహన ఐనా ఉంటుంది, కానీ మనమే వసుంధరలో వచ్చే నజరానానే పెద్ద సైన్సు అనే భావనలో ఉన్నాము.
ఇలా చిట్కా వైధ్యాలు, మూలికలతో సర్వ రోగ నివారణ జరగదని తెలుసుకోవాలి.
నేస్తం గారు,హరే కృష్ణ గారు, ఎదో మీ అభిమానమండి.
శ్రీనివాస్ గారు,
లేదు నాగా కి నాకు సిద్దంత పరంగా కొద్దిగా తెడా ఉన్నది, నాగా కొరివి కారం అంటారు, నేను కారప్పచ్చడి అంటాను. రెండూ ఒకటి కాదని నేను, ఒకటేనని నాగా రొజూ మతి తప్పిన జంతిక వాదం పై చర్చించుకునే సమయంలో వాదించుకుంటుంటాము.
చాలా బాగా రాస్తున్నారండి. చక్కగా వివరించారు.
@శ్రీనివాస్: నాకూ, ఈ బ్లాగుకు ఎటువంటి సంబంధం లేదు. ప్రస్తుతానికి నేను ఎటువంటి బ్లాగూ రాయడం లేదు.
నాగా గారు, అవును మీ బ్లాగ్ వర్ట్యువల్ ప్రైవేట్ సర్వర్ లో ఉంది. సర్వర్ RAM మీద లోడ్ ఎక్కువ కావడం వలల్ రెండు మూడు రోజులుగా/నెలలుగానో పనిచెయ్యడం లేదు. అని ఎవరో అన్నారు నిజమేనా?
అనిత గారూ నాకు తెలీని విషయాలు ఈ ప్రపంచంలో ఏవీ లేవు. నేను బడి ఎగ్గొట్టి పుస్తకాలు చదవడం వల్ల విపరీతమైన ఙ్ఞానం వచ్చింది. బొల్లివీధి నాగరికత అంతరించిన తర్వాత అక్కడ స్థిరపడింది రెల్లులేనని చాలా మంది అభిప్రాయం. చైనాలో చెంచులు కూడా ఉన్నారు. చీనాలోని చెంచొచెంచుహు రాష్ట్రంలో కొంత మంది పూర్తి నలుపు రంగులో కనిపిస్తారు. వాళ్ళు మొలకెత్తిన టెంకాయలు తింటారు. నేను చైనా వెళ్ళినపుడు మొలకెతిన వంకాయలు కూడా తిన్నాను. వీటిలో ఆల్ఫా బీటా కెరొటినో వంకోజెన్ వుంటుంది. టెంకాయలో టెంకోజన్ ఉంటుంది. ఇవితింటే వంకోటెంకో పాలిసిస్టిక్ లుంబార్ థాలసేమియా రాదు. నాది సెకెండ్ హ్యాండ్ కావడం వల్ల నేను ఎడమ పక్కనుంచే చదువుతాను. దీన్ని స్కాన్ చేసి బ్లాగులో పెట్టినపుడు మీరు చెప్పినట్లు చదువుతాను.
Tara garu..good post..
@durabhimani... "anna.. durbhimani anna... pichekkistunnaru..mee comments adhbhutam.."
durabhimani గారూ సెకండ్ హాండ్ అంటె లెఫ్ట్ నుండి చదవటమా...మేము వెనకబడిన విజయవాడ నుండి వచ్చాం కదా, చైనా లో చుంచులేమైనా - సారీ, చెంచులేమైనా మిమ్మల్ని నిద్రలో దాడి చేసారేమో అని కొంచెం బాధపడ్డాను(సహజంగా మీ కథలలొ హీరోఇన్ కదా సెకండ్ హాండ్). మీరు చెప్పిన పుస్తకాన్ని ఈ సారి చైనా వెళ్ళినప్పుడు నా కోసం తెస్తే నేను స్కాన్ చేసి పెడతాను. గ్రహణం రోజు, మీ స్క్రీన్ మీద స్క్రీన్సేవర్ వచినప్పుడు చదవగలరు. మీ 'సువిశాలజ్ఞానాన్నీ' అనుమానించినందుకు క్షమించగలరు.
బీచులో బోర్లాపడితే శరీరంలో పీచు పెరుగుతుందని బ్లోపా ఎల్డరాడో పీచోవ్స్కీ "టవరింగో పెర్సోనా - గ్రాసో అనలిటికో ఇస్టడియా ఇస్కూల్" అనే గొప్ప పుస్తకంలో వివరించాడు. అసలు బీచుకు, పీచుకు సంబంధమేంటని మొదటి పేజీలో అడుగుతాడు పీచోవ్క్సీ. దానికి తనే సమాధానం చెప్తూ అమ్టాడు "బీచుల్లో కచపచాక్ జాతికి చెందిన నాచుమొక్కలు పెరుగుతాయి. వాటిల్ని బిగ్ బొందాల్స్ జాతి తాబేళ్ళు తింటాయి. తిని అరగ్గా మిగిలిపోయిన పీచును అవి తీరం పొడవునా (సంవత్సరం పొడవునా కూడా) విసర్జిస్తాయి. మీరు పొద్దున్నే వాక్ కెళ్ళి ఆ విసర్జిత పీచులో పొర్లాడాలి. మీ శరీరంలోని స్వేద రంధ్రాల ద్వారా ఆ పీచు రసం దేహంలోకి ఎక్కి కొద్దికొద్దిగా రక్తంలోకి ఇంకుతుంది." రెండో పేజీలో "సముద్ర తీరం లేని వాళ్ళు ఎలా బెనిఫిట్ పొందాలి" అని మరో తెలివైన ప్రశ్న వేస్తాడు పీచోవ్స్కీ. దీనిక్కూడా తనే ఆన్సర్ ఇస్తూ "మానవజాతి వికాసం కోసం మా తాత పెట్టిన ఫ్యాక్టరీలో కమ్యూనిస్టు పద్ధతిలో ఉత్పత్తి అయ్యే "సెక్రీటా బిగ్ బొందాల్స్ "ను సరసమైన సామ్యవాద ధరల్లో" కొనుక్కోవచ్చని సలహా ఇస్తాడు.
Hmm this is really informative - Thanks.
I do agree with most, but not this అపోహ(అ): ఓట్స్లో పీచు పదార్ధాలు ఎక్కువ.
Its a reality that the quantity of fiber in oats is more. Among the things you listed, nothing except rice is a substitute for oats - I mean to say you dont eat oats instead of pulses, grams or nuts. In fact if you combine oats with grams it will be a Double Dhamaka.
So, comparing apples with apples - oats have 14 grams where rice has 3!
Well, looks like I wasnt clear. When I said "nothing except rice is a substitute for oatss" I meant to say, we dont eat pulses without a side right?
Pulses are main course whereas rice/oats/wheat rotis/bread are sides.
So we are better of comparing oats with rice and wheat than oats with pulses and beans.
My whole point was, instead of eating Rice with Pulses, try Oatmeal with Pulses, Sambar, Yoghurt or make some Bisibelebath with oats. Thats definitely provides good fiber.
మలక్ గారు ఓట్స్ లో ఉండే మంచి దానిలోనూ ఉన్నది, కానీ అదే మంచిది, అదే మనకి అత్యవసరం (భారతదేశ ప్రజలకి) అంటేనే వచ్చే గొడవ.
అవును రొజూ మాంసం తినేవారు అలా కుడా ప్రత్నించొచ్చు, కానీ శాకాహారులకి జరిగే హాని కొల్పొయే ఐరన్ (కరివేపాకు 10గ్రా. తీసుకున్నా 6గ్రా పైనే ఐరన్ లభిస్తుంది కాబట్టి, ముడి బియ్యం ఐతే గిద్దెడు బియ్యం అనుకున్నా 6-7గ్రా ఐరన్, అంటే దాదాపు మనకి ఒక రోజుకి సరిపడే ఐరన్ లో 75% ని వదులుకోవాలి).
అదే మనకి అత్యవసరం
_______________
No I dont mean to say that consuming oats is a must. All I am saying is that it is definitely good food.
As I said earlier, I agree with all other points.
మలక్ గారు, మీరన్నది నాకు అర్ధమయ్యింది.
నేను ఎదో సాధారణంగా రాసాను తప్ప (అదే మనకి అత్యవసరం...) , మీరు అన్నారు అని అనుకొని రాయలేదు.
తార గారు వివరంగా చెప్పారు Thankyou.
త్రిబుల్ డమాకా కావాలంటే నువ్వులున్నాయండీ ఐరన్ కాల్షియం పీచు.
పీచు కావాలంటే మనవంటగదిలో బోలుడుంటుంది. ఆవపొడి జిలకర ధనియాలు సోంపు ఇలా చాంతడంత లిస్టుంది అన్నీ ఆహారంలో భాగం చేసుకుంటే సరి. ఇక మెంతులు మెంతికూర చెప్పక్కర్లేదు పైగా మదుమేహులకి హితకరం.
పూదీనా ఉల్లికాడలు లాంటి ఆకుకూరలు మిగతా కాయగూరలు పీచు ఎందెందువెతికినా అందదు గలదు :)
బాగా చెప్పారు. మన ప్రాంతాల్లో పండే ధాన్యాల గురించి మనకు సరియైన అవగాహన ఉండడం లేదు. దీనికి తోడు మన సరిగ్గా ప్రచారం కూడా చేసుకోవట్లేదు. అందుకని జనాలు కొత్త వింత పాత రోత లాగా కొత్తగా వచ్చిన వాటి వెంట పరుగులు తీస్తున్నారు. ఓట్స్ మంచివే కాదనలేము గాని అమెరికా లాంటి ప్రాంతాల్లో ఓట్స్ తింటున్నారు అంటే అర్థం వుంది అక్కడ పండుతాయేమొ మరి. కాని మన దగ్గర పండకుండా ఇతర దేశాలనుండి దిగుమతి చేసుకునే వాటి మీద మనకు ఇంత మోజెందుకో అర్థం కాదు. మన ప్రాంతాల్లో పండే వాటిని సరిగ్గా ఉపయోగించుకుంటే మన రైతులకి, మన ఆరోగ్యానికి, పర్యావరణానికి మేలు చేసిన వారమవుతాం.
ఇద్దరు ప్రేమికులు….అడవిలో ఓట్ల తోట లో కూర్చుని ఏం మాట్లడుకున్నారంటే…
“ఇక్కడ మట్టి అంత సారవంతమైనది కాదులే, అందుకే చెట్లు అంత ఏపుగా పెరగలేదు అని అన్నాడు తలనిండా చుండ్రామణి. మా కోనసీమలో ఓట్లు అంతగా పెరగదు. గోట్లు, బూట్లు ఎక్కువగా పెరుగుతాయి అని అంది మందమతి. మీ కోనసీమలో ఎక్కువగా పండేది మచ్చల గోట్లు. మా విజయనగరం ఓట్ల కంటే చాలా ఖరీదైనది కదా, అందుకే మీ కోనసీమ అంత రిచ్ అన్నాడు తలనిండా చుండ్రామణి.
చుండ్రామణి తల బరుక్కుంటూ దేవుడు ఓట్లను పుట్టిస్తే ఓట్లను తినే మనుషులను ఎందుకు పుట్టించాడు? ఇది ప్రకృతి సహజం. ఓట్లే మనుషులను తింటే అది దేవుడి సృష్టి అని నమ్ముతాను. మనుషులను తిను అని ఓట్లకు, గోట్లకు చెప్పక పోవడం దేవుడి తప్పుకాదా? అని పిడికిలి బిగించాడు. అతని పిడికిలి నిండా వచ్చిన చుండును అపురూపంగా చూసింది మందమతి.
ఏంటి మీకు ఈ విద్యలు కూడా వచ్చా? విబూధి సృష్టించారా? అని సంబరంగా అడిగింది.
థూ అలాంటి పనికిమాలిన విద్యలు ప్రదర్శించేది బాబాలు బైరాగులు. ఇది చుండు, అందుకే నా పేరు తలనిండా చూడామణి అని గర్వంగా అన్నాడు.
మందమతి వ్యాయామం చేయకపోయినా గంటకు 30 కిలోమిటర్ల వేగంతో ఒరిస్సా అడవుల వైపు దూసుకుపోయింది.
durabhimaani గారో ఏటండీ ఈ కథ ఏడ పట్టీసినారేటీ.
ఈ రోమాంటిక్ కథ మన కామ్రేడ్ రాసిందేనా? మన దూరదర్షన్ వాళ్ళకో ప్రోగ్రాం చేసిఇవ్వచ్చు ఓ మురిక్కలవ పక్కన ఇద్దరు ప్రేమికులు కూర్చుని పందులపెంపకం గురించి వివరంగా మటాడుకున్నట్టు.
మనుషులను తిను అని ఓట్లకు గోట్లకు చెప్పకపోవటం దేవుడి తప్పుకాదా<<<
అందుకేగా మా కామ్రేడ్ల రాజ్యం వచ్చాక మేం పద్దతులన్నీ మార్చేస్తాం. అప్పుడు బావలు మరదల్ని కాకుండా మరుదులు వదినలని ఆటపట్టిస్తారు. పెళ్ళైన వదినలని మళ్ళీ పెళ్ళిచేసుకుంటారు. సినిమాల్లో వదినెలు మరుదులతో సరసాలాడతారు. మనిషుల పాలు ఆవులకి పట్టిస్తాం. మనిషిమాంసం పొట్టేళ్ళకు కోళ్ళకు వేస్తాం. అంతా చెప్పడం ఎందుకుగ్గాని ఒఖ్ఖ మాటలో అంతా జంబ లకడి పంబ అనుకొండి.
వంద రెండొందలు అయ్యే దాకా (కామెంట్స్) ఇంక వేరే పోస్ట్ వుండదా? ఓట్స్ కొన్ని నిజాలులో మూడు, నాలుగు పాయంట్లకి త్వరగా వచ్చేయాలని మనవి.
>>1. ఓట్స్ కొన్ని అపోహలు
>>2. ఓట్స్ కన్నా పౌష్టికరమైన మనం రోజువారీ వాడే ఆహార పదార్ధాలు.
>>3. మన వ్యవసాయం - ఆర్ధిక, పర్యావరణ హాని - పాలకుల మొద్దు నిద్ర
>>4. ఓట్స్ సాగు -- పర్యావరణ, ఆర్ధిక అంశాలు, రైతులకి, వ్యవసాయానికి, పేదలకి, ఆహార పంటలకు కలిగే కీడు.
నాలుగు టపాలన్నారు, ఒక్కటే వేసి బెల్లం పెట్టి చీమల్ని రప్పించినట్టు పండగ చేసుకోమంటున్నారు. మిగతావి ఎక్కడా? పాఠకులకిచ్చిన మాట ఏదండి? మీకెన్ని పనులున్నా మాకు అనవసరం, ఓట్స్ మీద ఒట్టు, మిగతావాటి గురించి రాయాల్సిందే.
##కరివేపాకు 10గ్రా. తీసుకున్నా 6గ్రా పైనే ఐరన్ లభిస్తుంది
60% ఇనుమా!! అయస్కాంతం పట్టేసుకోదూ? మనమంతా వుక్కు మనుషులైవుండాలే ఈపాటికి?
>>కరివేపాకు 10గ్రా. తీసుకున్నా 6గ్రా పైనే ఐరన్ లభిస్తుంది
>60% ఇనుమా!!
6మి.గ్రా. అచ్చు తప్పు అయివుండవచ్చు.
శంకర్ గారు (మీ శైలి చూసి పట్టేశా), ఎదో తప్పైపోయింది, పొరపాటులో అలవాటు, అనితగారు చెప్పినట్టు, మి.గ్రా. టైపింగ్ లో ఎగరగొట్టేశాను.
కరివేపాకులో దాదాపు 60 మి.గ్రా. ఐరన్ ఉంటుంది టపాలో సరిగానే వ్రాశాను, కిందే..
మరి మాకు ధన్యవాదాలో?
> కరివేపాకులో దాదాపు 60 మి.గ్రా. ఐరన్ ఉంటుంది టపాలో సరిగానే వ్రాశాను,
ఒప్పుకోము. మీరే ఎడిట్ చేసేశారు.
సరి సరి, తప్పు ఎత్తి చూపిన snkr గారికి, అది తప్పు అయ్యివుంటుందిలే అని సర్ది చెప్పిన అనిత గారికి ధన్యవాదాలు.
అనితగారు, మీరు అజ్ఞాత రూపంలో అడిగిన దానికీ, ఇందాక ఎనిముదింటప్పుడు అడిగినదానికీ, ఒకే జవాబు, తప్పక వ్రాస్తాను, కాకపొతే మీరు కొద్దిగా ఒక సంవత్సరం ఆగగలరు, నా సోర్సెస్ అన్నీయునూ జిలేబీ కొట్టువాడు తీసుకొని పోయాడు, కొత్తవి తెచ్చుకోవలెన్నన్న కడు సమయము, శ్రమ, ఖర్చులు, అన్నిటికన్నా, లైబ్రరీ కార్డ్ కావలెను..
తరువాత మీ ప్రశ్నకి, గూగుల్ వాడు దాచిన పేజీని చూడగలరు..
http://webcache.googleusercontent.com/search?q=cache:R1IJQsQkjQEJ:asainskaburlu.blogspot.com/2010/07/blog-post_19.html+http://asainskaburlu.blogspot.com/2010/07/blog-post_19.html&cd=1&hl=en&ct=clnk&gl=in&client=firefox-a
>>అది తప్పు అయ్యివుంటుందిలే అని సర్ది చెప్పిన అనిత గారికి ధన్యవాదాలు.
అది అచ్చు తప్పు అయ్యివుంటుందిలే --గా చదువుకోగలరు..
>> అనితగారు, మీరు అజ్ఞాత రూపంలో అడిగిన దానికీ,
??
ఎక్కడ? పైనా? నేనా? నాకు గుర్తు లేదేంటి చెప్మా? దీనికి సాక్ష్యాలు చూపెట్టాలి. అసలు పాఠకులమన్ గౌరవం లెఖుందా ఎదో క్రిమినల్ కోర్ట్లో ముద్దాయిల వివరాలు ప్రతిపాదించినట్టూ ఆభాండాలు వేస్తారేంటి? ఆర్.టి.ఐ చట్టం కింద మాకు ఓట్స్ గురించి తెలుసుకునే హక్కు వుంది.
అబ్బా ఫ్రీగా చెప్పేస్తారు, ఆర్.టి.ఐ చట్టం కింద పది రూపాయలు కట్టి అడగాలి..
మీ ఓట్స్ వ్యాసం ఇప్పుడే చూశాను, కనువిప్పు కలిగించింది. ఇక ఓట్స్ ఆరగింపు విషయమై మా ఇంట్లోవారి కడుపు కొట్టాలని నిర్ణయించాను.
అలాగే
1) మంచికొవ్వు(HDL)పట్టడానికి మంచిదనే ఫ్లాక్స్/లిన్ గింజల గురించి తెలిస్తే చెప్పండి. వాటిని తెలుగులో ఏమంటారు?
2) గిద్దెడు అంటే ఎంత పరిమాణం? 2010లో కూడా మీరు మెట్రిక్ పద్దతి కాక గిద్దె, వీశ, పావు, చటాకు, శేరు అని వాడటం ..
శంకర్గారు నేను ఇది భారతీయులకి రాశానండోయ్, మీరు విదేశాల్లో ఉంటే మరి ఫైబర్ తగుమొత్తంలో ఉండేట్టు చుసుకోవాలి మరి.
ఇంక గిద్ద అనేది మెట్రిక్ పద్దతేనండి, గిద్దెడు అంటే ఎంత అంటే బరువుతో కాకుండా, ఆలానే చూడాలి, (ఉ: ఓట్స్ గిద్దెడు అంటే తొంభై గ్రాములు, అదే బియ్యం వచ్చేసి నూట యాభై పైనే). మనం వంద గ్రాముల, బియ్యం, వంద గ్రాముల కంది పప్పు ఇలా కొలవం కదండి, ఆ పోలిక కుడా అసహజంగా ఉంటుంది (గిద్దెడు బియ్యం, పావు గిద్దెడు పప్పు అంటే, నూట యాభై గ్రా. బియ్యం, ఒక ముప్పై గ్రా. పప్పు, మరి ఈ రెండు వేరు వేరుగా ఎలా కంపేర్ చేస్తారు అన్న అనుమానం వస్తుంది, లేకపొతే రెండూ వంద వంద గ్రా. కంపేర్ చేస్తే,మనం ఆ మొత్తంలో తీసుకోము కాబట్టి, అది తప్పు/లేక చదువేవాళ్ళని తప్పుదోవ పట్టిస్తుంది).
ఇంక మీరు చెప్పిన ఫ్లాక్స్ గింజలు HDL సంగతేమో కానీ LDL ని తగ్గించుటకు పనికొస్తుంది, అదీ మళ్ళీ స్త్రీలమీద ఎక్కువగా ఉంటుందట.
http://www.ncbi.nlm.nih.gov/pubmed/19515737
ఇక్కడ విషయం మొత్తం దొరుకుతుంది (ఈ పేపర్ ఉచితమే), ఎవో ఒక రకం గింజలు అని కాకుండా, ఫైబర్ ఉన్న ఏ ఆహారం ఐనా కొలెస్ట్రాల్ మీద ప్రభావం చూపుతుంది.. ఫైబర్ తగినంత ఉన్నచో మంచిది (రోజుకి ఒకటో రెండో జామకాయలు ఐనా, ఓట్స్ ఐనా, మీరు చెప్పిన గింజలు ఐనా..)
మీ కోసం ఆ కంక్లూజన్ కూడా ఇక్కడే ఇస్తున్నాను..
CONCLUSIONS: Flaxseed significantly reduced circulating total and LDL-cholesterol concentrations, but the changes were dependent on the type of intervention, sex, and initial lipid profiles of the subjects. Further studies are needed to determine the efficiency of flaxseed on lipid profiles in men and premenopausal women and to explore its potential benefits on other cardiometabolic risk factors and prevention of cardiovascular disease.
థాంక్స్.
విదేశాల్లో వున్నా చాలామటుకు పప్పు, చారు, పులుసు, కూరే. గొడ్డు, పంది మాంసాలకు అలవాటుపడలేదు. ఇంటర్నెట్ వచ్చాక కాస్త అప్పుడప్పుడు నరమాంసం రుచి చూస్తున్నా :D
ఈ గింజలకు కూడా ఈ స్త్రీజన పక్షపాతము, మహిళా రిజర్వేషన్లేమిటో... ఆ .. ఒక్క డౌటు - చేపకు దాహం వేస్తే .. వద్దులేండి, ఇప్పటికే మిమ్మల్ని ప్రశ్నలతో ఇబ్బంది పెట్టేస్తున్నా. :P
>> ఆ .. ఒక్క డౌటు - చేపకు దాహం వేస్తే .. వద్దులేండి, ఇప్పటికే మిమ్మల్ని ప్రశ్నలతో ఇబ్బంది పెట్టేస్తున్నా. :P
==========
భలేవారే...ఇబ్బందేముంది? అసైన్సు కబుర్లంటే టికెట్టు అక్కర్లేని సినిమా. సారు ఎంతమందికైనా ఓపిగ్గా సమాధానాలు చెప్తారు. ఫీజు కూడా తీసుకోరు. ప్యూర్లీ పబ్లిక్ ప్రాపర్టి. మీరు అడిగేయండి.
ఆ .. ఒక్క డౌటు - చేపకు దాహం వేస్తే ..
------
ఇవి అన్నీ సముద్రగార్భ శాస్త్రం అండి వీటికి కేవలం ఒకచోట మాత్రమే సమాధానాలు చేప్పబడును. (అ తీసేస్తే.._
.........
అసైన్సు కబుర్లంటే టికెట్టు అక్కర్లేని సినిమా.
--------
కార్నియా గారు ఎన్నాళ్ళకి మళ్ళీ వచ్చారు,
పబ్లిక్ ప్రాపర్టీ అంటే పాస్^వార్డ్ అడుగుతారు అండి.
>> కార్నియా గారు ఎన్నాళ్ళకి మళ్ళీ వచ్చారు,
రావద్దనా? క్రితం సారి వస్తే మీరు మర్యాద చేయలేదు సరి కదా ఇన్నాళ్ళు ఎదురు కూడా చూడలేదుగా...అందుకే మేము విచ్చేయలేదు.
>> పబ్లిక్ ప్రాపర్టీ అంటే పాస్^వార్డ్ అడుగుతారు అండి.
ద్వారకానగర్ పార్కులో అడగరండి...విజయవాడ బస్టాండ్ లోని ఎంక్వైరీ కౌంటర్లో కూడా డబ్బులు/పాసులు అడగరు. ఇంకా క్లియర్గా చెప్పాలంటే చెన్నపట్నంలో ఉన్న లైబ్రరీస్లో కూడా అడగరు పాస్^వార్డ్. కావాలంటే వెళ్ళి కనుక్కోండి.
>>కావాలంటే వెళ్ళి కనుక్కోండి.
అక్కడదాకా అంటే ఇప్పుడు కష్టమేమోనండి. ఈసారికి ఇది వదిలేద్దాం.
>>ఈసారికి ఇది వదిలేద్దాం.
అదే వెళ్ళి కనుక్కోవడం ఈసారికి వదిలేద్దాం మరీ చెన్నా పట్నందాకా వెళ్ళి, విజయవాడ బస్సు స్టాండ్ అన్నా మాకు దూరమే, కనుక్కోలేనండి
Forklift trucks are very powerful therefore you must be careful while you are using them to lift objects. The Right Training Provider Forklifts are also widely used while constructing buildings, because all of the building materials cant be moved by hand. If you are satisfied with their service, you know who to turn to for all of your materials handling needs.
Post a Comment