ఈ బల్లులు తమ విషంతో మనుషులని చంపలేవు

సైన్సు:కొమోడో డ్రాగన్ అనబడే ఈ రకం బల్లులు ఇండోనేసియన్ దీవులలో కనిపిస్తాయి. వీటి నోటిలో విష గ్రంథులు ఉంటాయి. ఇవి ఒకసారి కరిస్తే మనిషి చనిపోతాడు.

మరి అసైన్సు: కొమొడొ డ్రాగన్ కరిచిన తరువాత కనపడే కొన్ని లక్షణాలని బట్టి, (వాపు, రక్తం గడ్డకట్టకపోవటం, తీవ్రమైన నొప్పి..) కొమొడొ డ్రాగన్లు తను వేటాడే జంతువుకి తెలివి పోగట్టగలిగేంత(చిన్న జంతువులకే) శక్తి గల విషం, కొద్ది మొత్తంలో కలిగి వుంటుంది అని ఒక ఊహ 2005 కొమొడొ డ్రాగన్స్ మీద రీసెర్చ్ చేస్తున్న వారికి వచ్చింది. 2009లో ఒక కొమొడొ డ్రాగన్ నోటి నుంచి (క్రింది దవడల క్రింద) ఒక (రెండు ఉంటాయి అట) విషం తయారు చేసే గ్రంధిని వేరుచేశారు. కానీ పైన చెప్పిన లక్షణాలు కొమొడొ డ్రాగన్ లాలాజలంలో వున్న బ్యాక్టీరియా మూలంగా అని ఎక్కువమంది నమ్మే వాదన.

కాబట్టి, కొమొడొ డ్రాగన్ వేటాడేటప్పుడు విషప్రయోగం చేస్తుందో చెయ్యదో ప్రక్కన పెడితే వాటి విషానికి మనుషులని, మిగతా పెద్ద జంతువులని చంపేటంతటి శక్తి మాత్రం లేదు అని అందరూ అంగీకరించే విషయమే.
వాటి విషం వలన ఇవి ఒకసారి కరిస్తే మనిషి చనిపోతాడు అనేది అభూత కల్పనే, ఎదో నిద్ర మత్తులో వ్రాసినది.
ఇంక వాటి దాడిలో మరణించిన మనుషుల సంగతికి వస్తే, చాలా పదునుగా, సుమారు 1 ఇంచి పొడవు వుండే వాటి పళ్ళతో చెసే లోతైన గాయాల నుంచి రక్తస్రావం ఆగక, దానికి తోడు షాక్ వలన మాత్రమే సంభవించిన మరణాలు తప్ప విషం వలన కాదు.


సైన్సు సోర్సు:http://science.praveencommunications.firm.in/2010/06/blog-post_28.html