దిష్టి తీయడం ఎలా?

ఈ మధ్య బొత్తిగా అసైన్సు వైపు వెళ్ళడం లేదు కదా, సరదాగా ఒక టపా, ఎక్కడో నేస్తంగారు నన్ను తల్చుకున్నారట అందుకే ఇది.
దిష్టి అంటే పరుల దృష్టి వలన వచ్చే దోషమట, అదేదో బాలయ్య సినిమాలో తొడగొట్టి రైలుని వెనక్కి పంపినట్టు, ఇది సాధ్యమేనా? ఎవరో చూడగానే పిల్లలకి ఆరోగ్యం చెడిపోతుందా? నరుడు దృష్టి తగిలితే... నల్లరాయి అయినా బద్దలైపోతుందట, నిజమేనా? సరే నిజమనే అనుకుందాం, అంత శక్తి ఉత్పత్తి చేయగలదా మన కన్ను? సరే మరింత Larger and Wider Platform కి పోదాము, చేతబడులు మనుషులని చంపగలవా? అలానే అవేవో క్రియలు కూడా?

అసైన్సు:: అసలు మనిషిని చంపడానికి ఎంత శక్తి కావాలి? ఇదేదో శక్తి కేంద్రాల సంగతి కాబట్టి మనం కుడా అదే తీసుకుంటే పోలా? లీతల్ డోస్ 9×10² J, మరి ఇంత శక్తి మన శరీరం తయారు చెయ్యగలదా?
సైన్సు :: శుబ్బరంగా, E / m = c² = (299,792,458 m/s)² = 89,875,517,873,681,764 J/kg (≈9.0 × 10¹⁶ joules per kilogram) ఒక గ్రాములో ఉన్న శక్తి హిరోషిమా మీద వేసిన బాంబు కన్నా ఎక్కువ అట, ఇంకేమి, కంటి చూపుతో చంపడం సాధ్యమే. ఇంతకంటే ప్రూఫ్‌లేమి కావాలి?

అసైన్సు:: సరేనయ్యా నేను మా ఊరిలో స్మశానంలో చేతబడి చేస్తానయ్యా, నా శత్రువు అడ్రస్సు, లేదా ఫలానా వ్యక్తిమీదకి ప్రయోగిస్తున్నాను అని ఆ శక్తికి చెప్పడం ఎలా?
సైన్సు ::  దానికి వెంట్రుకలో, గోళ్ళో కావాలి?

అసైన్సు:: ఐతే నువ్వు ఎవో మంత్రాలు చదివో, ఇంకేదో చేసో సృష్టించిన శక్తి, ఆ వెంట్రుకలో, గోళ్ళో పట్టుకోని వెళ్ళి, D.N.A టెస్ట్లు చేసుకొని ఆ మనిషిని పట్టుకుంటుందా?


సైన్సు ::  మనిషి ప్రపంచంలో ఎక్కడ దాక్కున్నా వెతికి చంపగలదు చేతబడి సరిగ్గా చేస్తే

అసైన్సు:: పవర్ఫుల్ స్నైఫర్ తుపాకీలే ఒక మనిషిని కచ్చితంగా చంపగలగాలి అంటే ఆ మనిషి 1కి.మీ. లోపే ఉండాలి, కానీ ఈ చేతబడి ఎవర్ని ఐనా, ఏ దేశాంలో దాక్కున్నా వెతికి మరీ చంపుతుంది అంట, ఐతే దానికి ఎంత శక్తి కావాలి? అధమం 1% రీకాయిల్ వేసుకున్నా, ఆ చేసినోడి బాడీ పార్ట్లు ఏ ముక్క ఎక్కడ పడిండో వెతుక్కోవడానికి నెల పైనే పడుతుందేమో. Law of conservation of Mass/ Energy ప్రకారం, అసలు ఆ మనిషి మిగిలి ఉంటాడా ఆవిరి ఐపోతాడా?

సైన్సు :: సరేనయ్య, ఎదో ఒకటి చేసి, చచ్చో బ్రతికో, లీతల్ డోస్ తయారు చేస్తాను, టార్గెట్ మనిషి అడ్రస్సు లాటిట్యూడు, లాంగిట్యూడు కూడా మాప్ మీద పెట్టి ఉన్నది, అప్పుడేమి చేస్తావు?
అసైన్సు:: రేడియేషన్, అదీ ఇంత శక్తిగలది అట్టా దేశం మీదకి వదిలితే ఎవదో ఒకడ్నే ఎట్టా చంపుద్ది, మధ్యలొ వచ్చిన ప్రతిదాన్నీ బూడిద చేసి కానీ వదలదే, సర్వ నాశనం తప్ప, ఒక్క మనిషినే ఎట్టా చంపుద్దయ్యా?


దిష్టి కుడా ఇంతే కదా మరి, అదీ సున్నితమైన కన్ను రాళ్ళని బద్దలు కొట్టే శక్తిని తయారు చేయగలదా? చేసే క్రమంలో కంటికి ఏ చిన్న అపాయం కుడా జరగదా? 1% వేడిని గ్రహించినా, కన్ను మాడి మసైపోతుంది.

సో, మీకు ఎవరిదో దిష్టి తగిలింది అనుకుంటే, ఎమ్మటే వాడి కళ్ళు మాడిపోయాయేమో చూడండి, అప్పుడు దిష్టి తీసుకోండి, పనిలో పనిగా ఆడ్ని పట్టుకోండి, వేల కోట్లు ఇచ్చి మరీ కొనుక్కు పోతారు ఆ మనిషిని, అలా ఎట్టా చేయగలిగాడో అని.

ఫిజిక్స్ - మేథమేటిక్స్ - ఎకనామిక్స్ - 1

కళ్ళతో చూసినవి అన్నీ నిజం కాదు, మనం గమనించినవి అన్నీ నిజం అవ్వవు. మనం గమనించినవే నిజం అనుకుంటుంటాం, కానీ ఫార్మల్ ప్రూఫ్ అవసరాన్ని తెలియజేయుటకు కొన్ని టపాలు చూద్దాం.

ముందుగా అబర్వేషనల్ బయాస్ గురించి చూద్దం, కొన్నాళ్ళ క్రితం అమెరికాలో (T ) బంతిని విసిరితే అది నేలని (L) చేరే మార్గం ఎలా ఉంటుంది క్రింది పటం చూపించి అడిగారు, ఎక్కువ మంది A,B,C,D లలో దేన్ని ఎక్కువ మంది చూపించారో ఊహించండి.

అసలు ఎకనామిక్స్ అంటే ఏంటంటే

రోజూ మనం పేపర్లలో చూస్తునే ఉంటాం, లేదా రైతుల గురించి వచ్చిన వందలాది సినిమాల్లో వినే ఉంటాము " పెప్సీ తయారు చేసినోడు తన వస్తువు రేట్ నిర్ణయించుకున్నప్పుడు, ఒక రైతు తను పండించిన వస్తువు రేట్ ఎందుకు నిర్ణయించుకోలేకపోతున్నాడు?" వినగానే ఇది నిజమే అనిపిస్తుంది, కానీ నన్ను అడిగితే నా సమాధానం, ప్రతి వస్తు ఉత్పత్తిదారుడు తన వస్తువు రేట్ తానే కట్టుకోలేడు, అలానే, రైతు తన వస్తువు రేట్ తనే కట్టుకున్నే వ్యవస్థ తయారు చేసినా అది కొద్ది రోజులలకే ప్రస్తుత స్థితికే వస్తుంది.

ఇక్కడ నేను పెట్టుబడీ దారి తొత్తుని, అని అనుకుంటారేమో, నాకు తెలిసీ ఏ ఎకనామిస్ట్ తన స్వంత అభిప్రాయాలని రుద్దడానికి ప్రయత్నించడు, ఒక వ్యవస్థ తీరు చూసి అది ఎటు పోతున్నదో మాత్రమే చెప్తాడు, అంటే తప్ప పెట్టుబడీ దారి వ్యవస్థ, శ్రమ దోపిడీ అన్నవి నాకు తెలియవు, అవి ఇక్కడ అప్రస్తుతం, నాకంటూ ఒక అభిప్రాయం లేకుండా నేను నేర్చుకున్నది మాత్రమే ఇక్కడ చెప్తాను, అంతేందుకు మీరు ఆత్మహత్య చేసుకోవాలనుకుంటున్నాను అని నాకు మెయిల్ పెడితే, నా జవాబు ఏది తక్కువ ఖర్చుతో ఐపోతుందో, ఏది సులభమో మాత్రమే చెప్తాను, అలానే ఎకనామిక్స్ కుడా, మీరు మార్గం ఎంచుకుంటే అది ఎటు పోతుందో చెప్తుంది తప్ప, అది నీతిగలదో, న్యాయమో, అన్యాయమో అన్నది అత్యంత ప్రాధాన్యత కలిగినది కాదు.

అలానే మన వారికి చాలా అపోహలు ఉంటాయి, ఎలా అంటే మధ్యవర్తులందరూ (రియల్ ఎస్టేట్ ఏజంట్లు, డీలర్స్, డ్రిస్టిబ్యూటర్స్) వీరు వస్తు ఉత్పత్తిలో పాలు పంచుకోరు, వీళ్ళది కేవలం దోపిడీయే అని. అలానే పెట్టుబడి పెట్టినోడు కోటాను కోట్ల లాభాలు సంపాదించి కార్మికుల శ్రమని దోచుకుంటున్నారు అనో రోజు వినేవి ఇవి అన్నీ, కానీ వీరే లేకపొతే ఆర్ధిక వ్యవస్థ చక్రాలు లేని రైలు బండి లాంటిది, ముందుకు వెళ్ళాలి అంటే వీరు కావల్సిందే.

ఇక మన సమాజంలో అనుకునేవి, ఎవరైనా తన ఆస్థి మొత్తం దానం చేసో, పేదలకి పంచాడు అనగానే, లేదా ఫ్యాక్టరీ లాభాన్ని కార్మికులకి పంచాడు అనగానే మనం అతన్ని అభినవ కర్ణుడే అనుకుంటాం, అలా ఊరికి ఒక్కరు ఉన్నా దేశం బాగుపడుతుంది అనుకుంటాను, కానీ దాన్ని ఎకనామిస్ట్లు తీవ్రంగా వ్యతిరేకిస్తారు, ఎప్పుడైతే ఇది ఒక లిమిట్ దాటుతుందో దీని వలన జరిగే లాభం (పేదరిక నిర్మూలన) ఏమో కానీ నష్టమే ఎక్కువ (పేదరికం తగ్గదు పెరుగుతుంది).

అలానే స్టాక్ మార్కెట్లు, అసలు ఇదొక మోసం అనుకునే వారే ఎక్కువ, అసలు దీని వలన పేద ప్రజలకి ఏమి లాభం అనని వారు ఎవరు? అలానే స్టాక్ మార్కెట్ పెరిగితే బంగారం రేట్ తగ్గుతుంది అనుకునే వారు తక్కువ కాదు, మనకి తెలిసింది ఈనాడు బిజినెస్ డెస్క్ అందించే వార్తలు, వాటి ప్రాతిపదికన మనం ప్రభుత్వ పాలెసీల గురించి చర్చిస్తుంటాం, మన తర్కానికి అందితే నిజం, లేకపోతే మోసం.

ఇక తర్కానికి వస్తే, ఒకప్పుడు "లాజిక్" అంటే సైన్సు అనే భావన ఉండేది, కానీ అది ఎలా తప్పు అయ్యిందో ఈమాట  పత్రికలో ఉన్నది చూడండి, మన తర్కం కాదు, కావలసినది ఫార్మల్ ప్రూఫ్,  దీని గురించి తదుపరి భాగాలలో వివరిస్తాను.

అలానే మనకి థీరీ అనగానే ఒక మాట అనేస్తాం, థీరీ వేరు, ప్రాక్టికల్స్ వేరు అని, మరి అవి వేరు వేరు ఐతే అసలు థీరీ ఎందుకో నాకు ఎప్పటికీ అర్ధం కాదు, నా అనుభవంలో ఏదైనా ఎకనామిక్స్ టాపిక్ ఎత్తగానే, మొదట వినేది ఇదే మాట, "అసలు ఒక వస్తువు తయారు చేసినోడు, దాని ఐన ఖర్చుకి ఎంతో కొంత లాభం వేసుకొని అమ్ముతాడు తప్ప, మార్కెట్ రేట్‌కి ఎందుకు అమ్ముతాడు?, ఎదో మీరు థీరీ అంటారు తప్ప అది నిజంగా ఎక్కడా జరగదు, థీరీకి బయట జరిగే దానికి చాలా వ్యత్యాసం ఉంటుంది, మీరు అన్నీ ఐడియల్ కేసెస్ మాత్రమే చుస్తారు, నిజ జీవితంలో ఎప్పుడూ అలా జరగదు"

దీని గురించి కుడా వివరణ తరువాతి భాగాల్లో ఇస్తాను, కానీ నేను కోరేది ఒక్కటే, మీకు అర్ధం కాకపొతేనో, మీ నమ్మకానికి వ్యతిరేకంగా ఉంటేనో ఎకనామిక్స్ మొత్తం పెట్టిబడీ దోపిడీదారుల తొత్తు అని అనేసి వెళ్ళిపోండి తప్ప అసలు డిమాండ్, సప్లై కాదు రేట్ నిర్ణయించవలసింది శ్రమ అని మొదలెట్టకండి ప్లీజ్, అలా కావాలి అంటే నాకు తెలిసిన జే.యన్.యు. పిల్లకాయల నెంబర్లు ఇస్తాను వారితో చెర్చించుకోండి (నాకు ఎవరు తెలియరనుకోండి అది వేరే విషయం).

ఇక గణితం - ఎకనామిక్స్, ఇక్కడో చచ్చు పుచ్చు చర్చ ఉన్నది గణితం వలన ఎకనామిక్స్ బ్రష్టుపట్టిపోతున్నది అని, ఇది చెప్పేవాళ్ళకి లెఖ్ఖలు రాక దాన్ని పట్టుకోని అనవసరం అంటారు, దీని గురించి వచ్చే భాగంలో చెప్తాను.

కానీ డైరెక్ట్ గా ఈ మేక్రోనో, మైక్రోనో కాకుండా అసలు ముందుగా ఫార్మల్ ప్రూఫ్, తరువాత కాస్త గణితం, మేక్రో ఆ తరువాత మెల్లగా మైక్రో ఎకనామిక్స్ చుద్దాం.

మొదట్లో కాస్త అర్ధం అవ్వొచ్చు కానీ ఇచ్చిన లెఖ్ఖలు చెయ్యకపొతే మాత్రం తరువాత తరువాత బుఱ్ఱకి ఎక్కదు కాబట్టి, నేర్చుకోవాలి అన్న కోరిక ఉంటే మాత్రం కాస్త లెఖ్ఖలు నేర్చుకోవాల్సిందే..



ముందు పాత టపాలు కొన్ని ఉన్నాయి, ఉత్తినే సరదాగా అవగొట్టాలి, అదీ దీనికోసం మొదలు పెట్టిందే, ఎదో ఒక చిన్న గొడవ వలన కాస్త గందరగోళంలో ఉన్నాను, టపా అస్తవ్యస్తంగా ఉంటే నాకో మెయిలో, కామెంటో కొట్టండి.

రౌడీ, ఇకపై కేరళని అవమానిస్తే చేతులు ముడుచుకోని కుర్చోము ఏమనుకుంటున్నావో

ఎవడండీ అసలు ఈ రౌడీ, కమ్యూనిష్ట్లపై తనకి ఎంత ద్వేషం ఉన్నా కేరళ ప్రగతిని తక్కువ చేసి చూపిస్తే మా కమ్యూనిష్టు సోదరులు ఎంత ఫీల్ అవుతారు, అందుకే నేను  దొరికిన క్రొద్ది సమయంలోనే మా కమ్యూనిష్ట్ల గొప్పతనాన్ని చాటదల్చుకున్నాను.

ఎనబైయ్యో దశకం, కమ్యూనిష్ట్ల పరిపాలనో కేరళ 20 శాతంకి పైగా నిరుద్యోగంతో దేదీప్యమానంగా వెలిగిపోతున్న సమయం, ఎదో ఒకటి చెయ్యడం కన్నా, ఏదీ చెయ్యకపొతేనే ప్రజలు ఎదో ఒకటి చూసుకుంటారు అని మన ప్రియతమ కమ్యూనిష్ట్లు నిద్దరొతున్న సమయంలో, గల్ఫ్ వెలుగులు కేరళలో ఆశాకిరణాలయ్యి 2000 సంవత్సరం వచ్చే సరికి నిరుద్యోగం 9 శాతానికి పరిమితమయ్యింది..చూశారా ఏదీ చెయ్యకుండా నిద్దరోవడం వలన దేశానికి 40 లక్షల జనాభా తగ్గింది.

గల్ఫ్లో చిన్న తుఫాను వచ్చినా కేరళలో 20% కుటుంబాలకి కంటిమీద కునుకుండదు, మరి అదేగా వారికి తిండి పెడుతున్నది, తాము 10% అభివృద్ది సాధించాము అని చెప్పుకుంటున్న కేరళ లెఖ్ఖల్లో 27% ఆదాయం విదేశీ సొమ్మే, అదే లేకపొతే కేరళలో 40% మంది నిరుపేదలే.

గ్లోబలైజేషన్ని విమర్శిస్తూ గ్లోబలైజేషన్ మీద బ్రతుకుతున్న రాష్ట్రాన్ని ఉదాహరణగా చూపించుకోవడం ---- (మాటలు లేవు).

ఇక వ్యవసాయ రంగం గురించి ఎంత తక్కువ చెప్పుకుంటే అంత మంచిది, రోజు రోజుకీ పడిపోతున్న, అసలు ఉన్నాయో లేవో కుడా తెలియని వరి పొలాలని అడుగుదామా? 2.2% నెగెటివ్ గ్రోత్ మెయింటెయిన్ చేస్తున్న ప్రైమరీ సెక్టార్‌ని అడుగుదామా? 77% శాతం ప్రభుత్వ ఆదాయాన్ని "ప్రభుత్వోద్యోగ సంక్షేమానికి" కేటాయించి చిన్న కాలువ త్రవ్వడానికి కుడా విదేశీ ఋణం కోసం అర్రులు చాస్తూ దాదాపు 58 వేల కోట్ల విదేశీ ఋణం తీర్చలేక వడ్డీలు కట్టడానికీ డబ్బుల్లేక మళ్ళీ అప్పులు చేసి వడ్డీలు కడుతున్న రాష్ట్రాన్ని చూడు కమ్యూనిష్టు సిద్దాంతాలు ఎప్పుడో గాలికొదిలేసిన కేరళ ఆర్ధిక వ్యవస్థ నేర్పుతున్న పాఠం చూడు రౌడీ..


ఇక ప్రజా సంక్షేమానికి వస్తే మేము కేటాయంచినది 2000 కోట్లు ఐనా, 4 వేల కోట్లు ప్రపంచ బ్యాంకుకి వడ్డీ కడుతున్నాం అని మరిచిపోకు, అంత వడ్డీ ఎందుకు కడుతున్నామో తెలుసా మా 2.66 లక్షల ప్రభుత్వోద్యోగులకోసం 14 వేల కోట్లు ఖర్చు చేస్తున్నాం, మరి ఉన్న ఆ రెండు వేల కోట్ల నుంచే మేము ఏది కాజేయ్యాలన్నా, దానిలో ఆ విజయన్నో ఎవడో 300 వందల కోట్లు తినేశాడు, మరి మిగతా రాజకీయనాయకులు ఎలా బ్రతకాలి అధ్యక్షా?

రౌడీ,

గ్లోబలిజేషన్ ఫలాలు సాఫ్ట్వేర్ ఇంజనీర్లకే కాదు, కూలి పనిచేసుకునే వాడికి కుడా ఎలా ఇప్పించగలిగిందో చూడు మా కేరళ ప్రభుత్వం..

ఇదంతా కేవలం మా చేతగానితనం వలన జరిగింది అనుకుంటున్నావేమో, మేము ఇవన్నీ నిద్రపోయే ముందే, నిద్రమత్తులో ఆలోచించి తీసుకున్న నిర్ణయాలు.

3 కోట్ల ప్రజా సంక్షేమం అంటే మాకు  10 లక్షల ప్రభుత్వోద్యోగుల సంక్షేమం (విశ్రాంత/ప్రస్తుత) మాత్రమే.


అన్ని వ్యవస్థలూ తిరోగమిస్తున్నా, విదేశీ ఋణాన్ని ఆదాయంగా, గ్లోబలైజేషన్ డబ్బులని సొంత డబ్బులుగా భావిస్తూ, 10% అభివృద్దిని సాధిస్తున్న/చూపిస్తున్న మా కేరళ విధానాన్ని చూసి నేర్చుకో ఏమనుకుంటున్నావో..

---

ప్రజాసంక్షేమం కోసం కేరళ ప్రభుత్వం కేటయించింది 2254 కోట్లు ప్రభుత్వ బడ్జెట్, దానిలో అసలు నిజంగా ఎంత కేటాయించారో, ఎంత ఖర్చు పెట్టారో దేవునికే ఎరుక, కానీ ప్రజలు సొంతగా విరాళాల రూపంలో ప్రజా సంక్షేమంకోసం దీనికి మూడు రెట్లు ఖర్చు పెట్టారని ఒక అంచనా.

The remittances account about 22 per cent of the NSDP. The importance of remittances to Kerala’s economy is evident from a few other comparisons. Remittances were 1.74 times the revenue receipts of the state, 7 times of the transfers to the state from the Central Government and 1.8 times the annual expenditure of the Kerala Government. Remittances were sufficient to wipe out 60 per cent of the Kerala state's debt. The remittances in 2003 were 15 times of the export earnings from cashew and 18 times of those from marine products.

అసలు విషయం మర్చిపోయాను ఈ ఆర్ధిక విదానం వలన అత్యధికంగా నష్టపోయింది కేరళ హిందువులు, కేరళలో ప్రజల ఆదాయం మతాలవారిగా చూస్తే హిందువుల జనాభా సగం ఉన్నా, క్రైస్తవుల, ముస్లీంల ఆదాయం (కలిపి) ఐదు రెట్లు ఎక్కువ, ఇదే మా మైనార్టీ సంక్షేమం. ( హిందువుల ఆదాయం 1 రూ. అనుకుంటే, క్రైస్తవుల ఆదాయం 1.5 రూ., ముస్లీముల ఆదాయం 3.5 రూ.).

ఈడ్చి కొడితే రెండువేల కోట్లు ఖర్చు పెట్టడం లేదు, ఇంక అవినీతి ఏముంటుంది నా బొంద, ఉన్నా అది మహా ఐతే ఓ 500 కోట్లు, అది మన రాజాగారి లక్షా డెబ్బై ఐదు వేలకోట్లలో ఏ మూలకి వస్తుంది?

మీకో నిజం చెప్పనా రౌడీ, గల్ఫ్ నుంచి మాకు వస్తున్న డబ్బులు 30 వేల కోట్లు పెరిగినా మా కేరళ రాష్ట్ర జి.డి.పి. 20 వేల కోట్లే పెరిగింది.. అంటే పైకి గ్రోత్ ఉన్నా, నిజం వెనక్కి వెల్తున్నామనే... కారణం క్రిములు..

ఇక రిఫరెన్సుల సంగతికి వస్తే, ఇండియా స్టాట్ చూసుకోవడమే..