దిగజారుడుతనం ఎవరిది?

పూరిపాక విరచిత అరికాల్లో ఆవగింజ టపాలో కొందర్కి చాలా హేయమైన వాఖ్యాలు కనపడ్డాయి. అది భారత దేశ రాజ్యాంగాన్ని, భారతదేశ గొప్ప గొప్ప నాయకుడ్ని పేరడి చేసి, చాలా అవమానించారు అని తెగ భాధ పడిపోతున్నారు.

--ఇంతలో సరసాల వర్మ నుంచి ఏదో వీడియో క్లిప్ వచ్చింది. ఓపెన్ చేసి చూసాను. ముందుగా కార్క్సూ, జీంగిల్స్ వీళ్ళ స్పీచులు, తర్వాత లంబోద్గారుల స్పీచులు వీటి తర్వాత "నీ దారి అడ్డదారి పోవోయి తీటసారి.. జయించు కోర్టు కేసు.. " --

ఇది వారికి తీవ్ర అభ్యంతరం కలిగించింది.., వారు ఒక నాయకుడ్ని, భారత రాజ్యాంగాన్ని అవమానించారు అని నిశ్చయించుకున్నారు. పోనీ అది ఆ రచయితని ఆ నాయకుడ్ని దృష్టిలో పెట్టుకొని వ్రాశాడో లేదో ప్రస్తుతానికి పక్కన పెడదాం. కానీ దీనిలో, ఆ టపాలో భారత రాజ్యాంగాన్ని తిడుతూ ఎదో అన్నట్టు నాకు కనపడలేదే? అంటే వాళ్ళ వాదనలో బలం రావడానికి వారే కల్పించుకున్నారా?
లేక ఆ నాయకుడ్ని ఏమైనా అన్నచో అది రాజ్యాంగానికి అన్వయించుకోవచ్చా?
అప్పుడు గాంధీని ఏమైనా అన్నచో అది యావద్భారతావనినే అవమానించినట్ట?
నెహ్రూని ఏమైనా అన్నచో అది పార్లమెంటుని అవమానించినట్టా?
జస్టిస్ బాలక్రిష్ణన్‌ని ఏమైనా అన్నచో అది న్యాయవ్యవస్థని అవమానించినట్టా?
కే.సి.ఆర్.ని ఏమైనా అన్నచో అది తెలంగాణా ప్రజలని అవమానించినట్టా?
కంచి శంకరాచార్యని ఏమైనా అన్నచో అది హిందూ జాతిని అవమానించినట్టా?

ఇంకా నాకు తెలియని విషయం ఏంటి అంటే అది అంబేడ్కర్ లేక రోసా లగ్జెంబర్గా? వేరెవరైనానా? వివరణ తీసుకునే ప్రయత్నం చేశారా? పోనీ తమకి నచ్చలేదు, లేక అపార్దాలకి తావిచ్చేవిధంగా ఉన్నది మార్చమని అడిగారా? లేదు, ఎక్కడ ఎవరి మీద బురద చల్లుదామా అని కాసుకుర్చుంటారు..ఎదో పేరు వాడుకోగానే, ఇంక అది తమ నాయకుడ్ని అవమానించినట్టే.., ఆటోమేటిక్ గా, భారతదేశ రాజ్యాంగాన్నో, ఆ నాయకుడి కులస్తులని అవమానించినట్టే..వీళ్ళకి బురద జల్లటానికి అవకాశం దొరికినట్టే.

దేశ రాజ్యాంగాన్నీ కూడా తమ రొచ్చులో నిర్లజ్జగా వాడుకోవడం బహుశా క్షణికావేశంలో జరిగి ఉండవచ్చని
ఆశిస్తున్నాను.కాని పక్షంలో వీళ్ళకు, ఇలా ఉన్నవీ లేనివీ కల్పించి ఆడుకోవడం అలవాటేలే అని ఊరుకోవాలా?

దేశ నాయకులూ, రాజ్యాంగమూ విమర్శలకు అతీతం కాదు. కానీ ఆ విమర్శలు విషయం మీద జరిగితే ఆహ్వానించవలసిందే. కానీ ఇదేంటి, వీళ్ళు చేసుకునే పనికిమాలిన పనుల కోసం, చెత్త గొడవల కోసం దేశ నాయకులనీ రాజ్యాంగాన్నీ వాడుకోవడం ఎంతవరకూ సబబు?

కే.సి.ఆర్.ని ఇది అనగానే, తెలంగాణా ప్రజల మనోభావాలు దెబ్బ తీశారు అని, అంబేడ్కర్ ఈ తప్పు చేశాడు అంటే ఎక్కడ వీళ్ళు దళితులని అవమానించాడు అనో, ఇలా రాజ్యాంగాన్ని అవమానించాడు అనో గొడవేసుకుంటారు అనే భయంతో, వారికి నచ్చిన వారు ఏది చేసినా చూస్తూ ఊరుకోవాల్సిందేనా?

నిజంగా పురిపాక అవమానించాడో లేదో నాకు తెలియదు కానీ, వీళ్ళు మాత్రం ఇలా తమ అవసరం కోసం వారి వారి పేర్లు, భారత రాజ్యాంగాన్ని, భారతదేశ ప్రజలని ఎవరో అవమానించినట్టు చూపించడానికి వీరు చక్కగా అవమానిస్తున్నారు.