ఏమిటో మరి

కొద్దిరోజుల క్రితం, నా చిన్నప్పటి ఫ్రెండ్ వచ్చాడు, తన కూతురి ఓణీల పండక్కి పిలవడానికి, ఎప్పుడో పదో తరగతి ఫ్రెండ్ ఇరవై ఏళ్ళ తరువాత కలవడం, ఊళ్ళోనే ఉన్నావు రా అంటే వెళ్ళక తప్పింది కాదు, తీరా అక్కడికి వెళ్ళాక చూస్తే సాయి బాబా భజన, పిల్లలు సాయి మహిమలు పాడుతున్నారు, బాగున్నది, ఓ మూల కుర్చున్నాను, భజనలో "కలరా తరిమేశావు", అన్న పదం మాత్రం బాగా నచ్చింది,తరువాత భజన ఐపోయింది, పిల్లలు అందరూ ఒక చోట చేరారు, వాళ్ళని పిలిచి Waldemar Haffkine తెలుసా అని అడిగాను, ఊహూ, ఆయన ఎవరో మరి., తరువాత ఈ భజన చేయిస్తున్న స్వామి కుడా నా ప్రక్కకే వచ్చి కుర్చున్నారు, సరే అదేదో ఆయన్నే అడిగేస్తే పోలా అని, కలరా షిర్డీలో ఎప్పుడు వచ్చింది, ఈ మహిమ సంగతి కాస్త వివరించమన్నాను, ఆయన ఈ ఉదంతం అంతా చెప్పాక, కావాలంటే చూసుకోండి దేశంలో కలరా వచ్చి లక్షలు లక్షలు చనిపోతున్న సమయంలో మరి షిర్డిలో రాలేదని ప్రభుత్వ రికార్డ్లు ఉన్నాయి అని చెప్పారు, అదేంటండి ఒక పక్కన షిర్డీ నుంచి కలరా తరిమేశాడు సాయి అంటున్నారు, మళ్ళీ అసలు కలరానే రాలేదు అంటున్నారు అని అడిగితే సమాధానం నిల్లు. కాస్త అటూ ఇటూగా వాల్దెమర్ కలరా వ్యాక్సిన్ కనిపెట్టింది అదే సమయంలో, అదీ మన దేశంలో, 1899-1923 మధ్య దేశం మొత్తం కలరాతో అల్లాడుతుంటే మరి ఈ సాయి భక్తులు, ఆ పిండిని తలా పిడికెడు తీసుకోని ఒక్కో ఊరిలో చల్లితే ఎన్ని ప్రాణాలు నిలబడేవి, మరి అదే సమయంలో యూరొప్లో కలరా రావడానికి అసలు కారణాలు తెలుసుకోని ఒక్కరు కుడా చనిపోకుండా జాగ్రత్త పడ్డారు కదా, మరి మనం చేసింది ఏమీ లేదు, కాకపొతే అది ఒక మనిషికి మహిమలు అద్దడానికి మాత్రం ఉపయోగించుకున్నాము చక్కగా, అసలు దేవుడు అంటే మహిమలు చూపిస్తేనే దేవుళ్ళా? మనకి నిజాలు వొద్దు మహిమలే కావాలా?

కనీసం జాన్ స్నో పేరో, వాల్దెమర్ పేరో ఒక్క సారి తల్చుకున్నా ఆ భజనలో ఆ పిల్లల్లో ఆసక్తి కలిగి ఒక్కడు ఐనా పెద్ద శాస్త్రవేత్త ఐతే దేశానికి ఎంత లాభం? భారత్ సూపర్ పవర్ అనుకోవడం తప్ప అసలు ఎన్ని పేటెంట్లు మనం సాధిస్తున్నాం ప్రతి సంవత్సరం, అది అమెరికా పొందే వాటిల్లో కనీసం 10 శాతం కుడా ఉన్నదా?

ఎంతకీ మనవేదాలు గొప్పవి, అవును గొప్పవే, కానీ మనం వాటిల్లో ఉన్న శాస్త్ర సంభంధమైనవి వదిలేసి, మాయలు, మహిమలు, మంత్రాలు, ఉఛ్ఛాటన క్రియలు, వీర విధ్యలు, పట్టుకోని ఏమి సాధించాం? బర్రేలని తోలుకోవడమా?

మనం సంఫాదించే ప్రతి రూపాయికి పావలా పైనే ఈ హక్కులు వినియోగించినందుకు చెల్లిస్తున్నాం..

అసలు ఆర్య భట్టుడు ఏమి చేశాడో చెప్తున్నామా మనం, మన పుస్తకాల్లో ఉంటున్నాయా? ఎవరో Serge Lang ఆయన పుస్తకంలో వివరంగా ఉన్నాయి తప్ప. టేలర్ సిరీస్ మనకి కొన్ని వందల యేల్ల క్రితమే తెలుసు అని ఎవరికి తెలుసు? కానీ మనం ఏమి చేశాం జ్యోతిష్యం అని పెట్టుకున్నాం, అసలు ఇప్పుడు ఎంతమంది గొప శాస్త్రవేత్తలు ఉన్నారు మనకి, ఏమైనా అంటే గుప్తుల కాలం పేర్లు చెప్తాం, అంతకు కొన్ని వందలమందిని మొన్నీ మధ్య పుట్టిన అమెరికా తయారు చేసింది.. మనకి మాత్రం వేదాలు చాలా గొప్పవి, దానిలో సర్వం ఉన్నాయి, ప్రపంచంలో ఎవడు ఏమి కనిపెట్టినా అది వేదాలలోదే వాళ్ళు కొట్టేసి కనిపెట్టేశారు, మన పూర్వీకులు అబ్బో వేల ఏల్ల క్రితం అవి అన్నీ చేశారు.

ఐన్‌స్టీన్ కనిపెట్టినవి అన్నీ మన వేడాలలో ఉన్నాయి అంట, అవే ఇంగ్లీషులోకి మార్చుకొని తన పేరు రాసుకున్నాడు అంటా, మరి ఐతే మన వేద పండితులు అదే పని ఇంకా ఎందుకు చేయలేకపొతున్నారో, ఐన్‌స్టీన్ ఎప్పుదు వేదాలు చదివాదో, ఎప్పుడు సంస్కృతం నేర్చుకున్నాడో., ఇది ఇంటర్లో మా లెఖ్ఖల మాష్టారు చెప్పారు, ఇప్పుడు నేను అదే రాస్తే నమ్మేవారు ఇంకా ఉన్నారు.

వేదాలు, అప్పటి మనుషుల ఆలోచనలు అనుకోని, వాటిల్లో తప్పులు ఉన్నాయి అని అనుకోము, వాటికి దైవత్వం ఆపాదించాల్సిందే తప్పదా? దాన్ని తప్పు అనకూడదా?

వ్యాధులు భూతాలవలన వస్తాయి అని నమ్మే కాలంలో మరి ప్రజలుకుడా బలులో, జాతరలో చేస్తే తగ్గుతాయి అని అనుకునేవారు, ఇప్పుడూ కుడా జాతర్లు, స్మశానంలో పూజలు చేద్దామా? హస్పిటల్లు మూయించేసి. ఏమిటో మరి..